Flokët tuaj duken të shkatërruar , pa jetë ?

Trajtimi me keratinë për flokët tuaj është zgjidhje perfektë për të trajtuar flokët e dëmtuar ose te dekoloruar duke i dhëne atyre shkëlqimin e munguar.

Flokët kalojnë përditë në sprova të ndryshme si dieta , stresi , ndotja dhe faktorë të tjerë të jashtëm ambientalë , përdorimi i pjastrës, dekolorimi ....

Në fakt ajo që ne nuk dimë është se keratina e flokëve është ajo e cila dëmtohet.

Kjo është lënda e parë e flokëve e cila është e qëndrueshme dhe fleksibël.

Ndodhet në shtresën më të jashtme të flokëve dhe është e ekspozuar ndaj çdo agresioni.

Sa më shumë keratinë konsumohet , uji avullon më lehtë dhe kështu që ata bëhen me të thatë , pa shkëlqim , me fundet e hapura dhe përfundon në termin si " kashtë " !

Si fillim duhet të njohim më mirë strukturën e flokut tonë . Floku është një substancë e vdekur . Pasi ai rritet dhe zgjatet , në qoftë se është i shkatërruar, ai mbetet kështu sepse ndryshe nga lëkura nuk është i aftë për të rigjeneruar veten automatikisht.

 

Ja cfarë duhet të dimë mbi trajtimin me keratinë :

1. Realizohet ne çdo lloj floku : te drejtë , me kaçurrela , të hollë dhe shumë të dëmtuara .

2. Trajtimet që mund të bëhen janë dy : drejtimi i flokëve më keratinë i cili përveç se na jep efektin e dëshiruar për flokë të drejtë por e mbron dhe e riparon flokun . Trajtimi i dytë është trajtimi ristrukrurues që ka të bëjë me larjen e flokut me keratinë , e vlefshme për çdo lloj floku .

3.Trajtimi për rindërtimin e flokut behet një herë në muaj . Pasi efekti i keratinës së aplikuar në flokë zgjat edhe pas disa larjeve . Ky trajtim është perfekt dhe për ata persona të cilëve nuk u rriten flokët si shkak i këputjes së tyre. Pas aplikimit të këtij trajtimi do te keni flokë të shëndetshëm dhe rritje të tyre .

4. Trajtimi me keratine është një domosdoshmëri për verën . Është e përkryer para se të ekspozoni veten në plazh për të mbrojtur flokët tuaj nga të gjitha dëmet që dielli dhe kripërat mund të shkaktojnë .

5.Keratina hidraton , dhe i mbron flokët tuaj nga agjentët atmosferike , apo nga dëmtimet e ndryshme që mund të vijnë si rezultat i lyerjes së flokëve përdorjes së tharëses apo piastrave .